Tiô tơbleăng châ tơbleăng, Kơlo têk chu PAPI hơnăm 2023 Dak Lak châ 42,3265 điêm, ối má 31 tung tíu pơtăng, tâk 1,2042 điêm, tâk 10 râ tâng pơchông ƀă hơnăm 2022; ối má môi tung 5 kong pơlê Tây Nguyên (Dak Lak: 31; Lâm Đồng: 45; Gia Lai: 51; Kon Tum: 56; Dak Nông: 61).

Mâu pơkâ ki tơniăn dêi kong pơlê Dak Lak tâng pơchông ƀă hơnăm 2022 mê cho: Tơbleăng tơdrăng; pôu râng hnoăng cheăng tiâ tối ƀă kuăn pơlê; Mơdât kâ kơhveăm liăn ngân tung kơpong pêi cheăng tơnêi têa; Pêi pro tơdroăng cheăng tơnêi têa; Châ tơƀrê pơkuâ kong prâi; Pơkuâ điê̆n tưh. Péa túa pơkâ kơdroh điêm tâng pơchông ƀă hơnăm 2022 mê cho: Tơdroăng ki veăng dêi kuăn pơlê a râ pá xôp ƀă Tơdroăng mơ-éa tơnêi têa.