VOV4.Xơ Đăng - Hâi teăm châ môi khế nếo , hok tro rêm râ a Dak Lak kô pơxiâm mot hơnăm hriâm nếo 2022-2023. Vâ tơniăn tơdroăng hnê ƀă hriâm, tơdroăng hbrâ mơgrúa mâu hngêi trungdế châ mâu tơring cheăm tung kong pơlê mơdêk pêi pro, chêh mâu pơkâ hbrâ hdrối, tơniăn hnê tung tŭm tơdroăng. Tiô Khu xiâm ngăn hnê hriâm ƀă hnê mơjiâng tuăn ngôa rơkê Dak Lak, hơnăm hriâm  2022-2023, lâp tung kong pơlê ai 478 rơpâu 180 ngế hok tro tiô hriâm a 1.017 to hngêi trung, ing Mầm non troh râ má pái.

Dak Lak hbrâ ‘mâi rơnêu kơƀăng tăng, mơgrúa hngêi trung hdrối vâ mot hơnăm hriâm nếo  2022 - 2023

Vâ tơniăn ‘na hngêi trung hriâm tung hơnăm nếo, Vi ƀan kong pơlê hiăng ‘no vâ chê 477 rơtal liăn ‘no mơjiâng ƀă rôe tơmeăm xúa tung hnê ƀă hriâm. Tung mê, ai vâ chê 389 rơtal liăn mơjiâng nếo ƀă 350  to lâm hriâm, ‘mâi rơnêu pro 170 to lâm ki ton, pro mâu kơnâng, plông xah hêi, bo cheăng hngêi trung ăm hên to hngêi trung hriâm; dâng 88 rơtal liăn  rôe mâu kơ ƀăng tăng, kơ ƀăng chêh ƀă hên tơmeăm xúa tung hnê ƀă hriâm ki ê.

Gương tơplôu ƀă tơbleăng