VOV4.Xơ Đăng - Klăng leh tơbâ 75 hơnăm Hâi mô đô̆i rong râ hlâ hía 27/7, kong pơlê Dak Lak ‘măn ăm lối 13 rơtal liăn vâ diâp kơxuô tơmeăm ăm mâu ngế ai hnoăng tơnêi têa, mâu ngế ai hnoăng ƀă kăch măng. Kơxô̆ liăn lối 13 rơtal liăn kố kô châ diâp ăm vâ chê 42.500 ngế ai hnoăng ƀă kăch măng tung kong pơlê. Tung mê, tơmeăm dêi Kăn xiâm hnê ngăn tơnêi têa ƀă kơxô̆ liăn lối 4 rơtal 200 rơtuh liăn, kơxô̆ liăn ki ê cho tơmeăm dêi kong pơlê ƀă mâu tơring. Kơxuô tơmeăm diâp ăm châ klâ péa kơlo: 600 rơpâu ƀă 300 rơpâu liăn.

Kăn ƀô̆ kong pơlê lăm kơ-êng rơpŏng ai hnoăng tơnêi têa a tơring Čư Mgar

Ki nhên, kơlo kơxuô 600 rơpâu kô diâp ăm mâu Jâ Nôu Việt Nam khên tơnôu; Nhŏng o mô đô̆i hlâ tung tơplâ xâ dế châ kâ kơxô̆ liăn mơhá rak ngăn rêm khế; Mô đô̆i châi rong tung châ rong râ sap ing 81% tơngi klêng. Kơlo kơxuô tơmeăm 300 rơpâu liăn diâp ăm Mô đô̆i rong râ, châi tamo kơdroh ivá pêi cheăng sap ing 80% ngiâ chu; Mô đô̆i rong râ dế châ kâ liăn tŏng kum ôh tá ai ivá pêi cheăng; mơngế veăng tung tơplâ xâ tro trếo ‘mêi dioxin châi rong tung châ sap ing 80% ngi ‘nâi; teăng mâ nhŏng o ai mô đô̆i hlâ tung tơplâ xâ, mơngế koh pleăng mô đô̆i hlâ tung tơplâ xâ.

A Sa Ly tơplou ƀă tơbleăng