VOV4.Xơ Đăng - Ƀă pơkâ kô ăm rêm ngế kô ai tơmeăm kâ Têt, ing hên kơxô̆ liăn tŏng kum phá dêi pó, tung roh Têt Lo hơnăm nếo Nhâm Dần Liên đoân pêi cheăng kong pơlê Dak Lak hiăng ‘măn 1 rơtal 200 rơtuh liăn vâ diâp kơxuô tơmeăm Têt ăm mơngế pêi cheăng tung kong pơlê. Pơtối mê, Liên đoân pêi cheăng kong pơlê Dak Lak hiăng mơhnhôk mâu khu râ ƀă mơ’no kơxô̆ liăn dêi Liên đoân vâ diâp ăm 3.500 ‘’Kơxuô tơmeăm kum rêh ối pơlê pơla kŏng đoân’’ ƀă 500 kơxuô tơmeăm Têt ăm đoân viên, mơngế pêi cheăng.

Dak Lak ‘măn 1 rơtal 200 rơtuh liăn diâp kơxuô tơmeăm Têt ăm mơngế pêi cheăng 

Tâi tâng kơnâ 1 rơtal 200 rơtuh liăn. Pakĭng mê, mâu khu râ Kŏng đoân tung kong pơlê ối tơkŭm po mâu tơdroăng lăm pôu, diâp ăm kơxuô tơmeăm, mơhnhôk, rơkâu Têt đoân viên, mơngế pêi cheăng ai tơdroăng rêh ối pá puât , châi tamo râ, tro tơklâm rơxế lơ tơdjâk xua pơreăng COVID-19.

A Sa Ly tơplôu ƀă tơbleăng