VOV4.Xơ Đăng - Tung 6 khế apoăng hơnăm kố, Măt trâ̆n rêm râ kong pơlê Dak Lak hiăng ‘no vâ chê 10 rơtal liăn tŏng kum mâu kơtiê. Kơxô̆ liăn ki kố cho xúa vâ tŏng kum mơjiâng pro, ‘mâi rơnêu hngêi tơrŭm, kum pêi cheăng kâ, hbru tơmeăm têt, khăm pơlât ăm mâu kơtiê ƀă hên ki ê. Rơtế amê, Khu tŏng kum kong pơlê hiăng tơkŭm tŏng kum, pôu kơ-êng, tŏng kum teăm tơdrêng ăm mâu ngế ki ai tơdroăng rêh ối xơpá, mâu rơpŏng ki tro kong mê khía mơhot têa kân lân lu, klâk têa ƀă kơxô̆ liăn lối 500 rơtuh liăn.

Pro nếo ƀă ‘mâi rơnêu hngêi tơrŭm ăm mâu kơtiê

Tơrŭm krếo thế, mơhnhôk tơlo ing khu râng liăn pâ mơnê troh mâu ngế ai hnoăng va rak ngăn ăm mâu rơpŏng ki ai troăng hơlâ tŏng kum, rơpŏng ai hnoăng ƀă kăch măng. Măt trâ̆n tơnêi têa rêm râ hiăng tơrŭm ƀă kơvâ cheăng ki ai tơdjâk xuân hiăng mơhnhôk tơlo mâu kơxô̆ liăn tŏng kum xua vâ kum mâu kơtiê, mơdêk tâi tâng kơxô̆ liăn ‘măn troh lối 24 rơtal 500 rơtuh liăn.

Katarina Nga tơplôu ƀă tơbleăng