Nôkố, Khu hnê mơhno tơ’noăng mơgêi râ má pái phôh thong hơnăm 2024 kong pơlê Dak Lak hiăng mơjiâng 5 khu ƀă 20 ngế, dế lăm séa ngăn hnoăng cheăng hbrâ ăm hneăng tơ’noăng mơgê râ má pái dêi Khu hnê mơhno tơ’noăng râ tơring ƀă 33 tíu tơ’noăng ki pâng ‘nâng a kong pơlê. Khu ki lăm séa ngăn kố xuân tơdah xo mâu rơkong tơpui tối, pâ thế dêi cheăm tơring, hngêi trung hriâm tíu tơ’noăng ‘na mâu tơdroăng ki xơpá tung pơla hbrâ ăm hneăng tơ’noăng; tiâ mơnhên mâu tơdroăng ki tơvâ tơvân ai tơdjâk troh túa pơkâ hbrâ mơdât lu lêa a tíu tơ’noăng; rak vế tơniăn tâ tá tíu tơ’noăng vâ hneăng tơ’noăng châ tơkŭm po tơniăn, kơtăng, tro túa pơkâ.

Tiô pôa Phạm Đăng Khoa, Kăn pơkuâ Khu ngăn hnê hriâm ƀă hnê mơjiâng tuăn ngoâ rơkê kong pơlê Dak Lak, tung pơla lăm ngăn ăm hlo, mâu tíu pêi cheăng hiăng kơtăng, pôu râng dêi hnoăng, rak tơniăn mâu hnoăng cheăng tro tiô tơdroăng pơkâ.