VOV4.Xơ Đăng - Hâi lơ 1/4, Hô̆i đong kong pơlê Dak Lak hneăng 10 tơkŭm po hneăng hôp tơdroăng tơdroăng kal rôh má. A hneăng hôp, mâu kăn hiăng pơchuât ngăn mâu hlá mơ-éa chêh pơtroh, hlá mơ-éa tơbleăng séa ngăn ƀă tơbleăng 9 tơdroăng pơkâ ki kal tơdjâk troh mơnhông cheăng kâ - rêh ối dêi kong pơlê, môi tiah: pơkâ ton khế vâ châ xo liăn ngân pơkâ ‘no liăn mơjiâng tơmeăm khoăng tơnêi têa hơnăm 2021 troh hơnăm 2022 xiâm liăn ngân kong pơlê; pơkâ troăng rơhlâ  ‘no liăn cheăng ƀă ‘mâi hơ’lêh mâu tơdroăng tơkêa bro ki kân; troăng rơhlâ xing xoăng pơkâ mơhno xúa pêi Tơdroăng pơkâ tơnêi têa mơjiâng thôn pơlê nếo hơnăm 2022.

Tâi tâng a hneăng hôp

Ing mê hơnăm 2021, tâi tâng liăn ngân ‘no mơjiâng tơmeăm khoăng liăn ngân kong pơlê hâi châ xo ai lối 476 rơtal liăn, kô châ pơtối ăm xúa troh hơnăm  2022. Kong pơlê mơhno ăm 238 rơtal liăn vâ pêi tơdroăng pơkâ tơnêi têa mơjiâng thôn pơlê nếo, pơkê hơnăm 2022.

Gương tơplôu [ă tơbleăng