VOV4.Xơ Đăng - Tung 2 hâi lơ (14/5-16/1), a pơlê kong kơdrâm Ƀuôn Ma Thuột, kong pơlê Dak Lak tơrŭm ƀă kŏng ting PNJ ai tíu pêi cheăng a Tây Nguyên - Peăng hdroh Tơdế tơnêi têa ƀă Khu mơdró hơnăm ối nếo tơkŭm po siêu thị vâ tối kơchơ kŭn tê tơmeăm Têt ôh tá xo liăn ƀă kuăn pơlê vâ hbru tơmeăm ăm kuăn pơlê ki xơpá ki tro tơdjâk xua pơreăng COVID-19 drêng troh Têt Lo hơnăm nếo Nhâm Dần.

Kuăn pơlê châ rah mâu tơmeăm ki kal a kơchơ siêu thĭ

A Siêu thị ai 40 tơmeăm mê cho xik, phái, kơtâ í, têa rơmâ, têa măm, hạt nêm, bôt ngot, kơƀăn kĕo, têa ngeăm ƀă mâu tơmeăm ki ê. rêm tơmeăm mê, xuân ai ta krâ ‘măn a mê ăm hlo nhên, mơngế kuăn pơlê ki xúa “kơtâ ví tuăn pâ” vâ rôe mâu tơmeăm ki tơná kal vâ. Pakĭng phĭu rôe tơmeăm, kuăn pơlê troh a kơchơ kŭn ối châ veăng pêi mâu tơdroăng Tết tiô chal ton nah, hnêi xo tơdroăng pon mơhúa apoăng hơnăm nếo, pâ chư pôa ƀă châ xo hên tơmeăm ăm apoăng hơnăm.

Mâu đoân viên droh rơtăm dêi ƀơrô khu pơkuâ ngăn Đoân ƀă tíu pêi cheăng tŏng kum tối tơkŭm kơxu 200 to kơ-ƀăn tơxông ăm kuăn pơlê ki xơpá, ôh tá ai hngêi ối a pơlê kong kơdrâm Ƀuôn Ma Thuột.

Gương tơplôu ƀă tơbleăng