Tơbleăng tơdroăng “Tơrŭm păn pu pái – Hơ’lêh túa rêh kâ ối”, Khu vâi kơdrâi mơdró kâ kong pơlê Dak Lak tơrŭm ƀă Khu ngăn vâi kơdrâi mơdró kâ Việt Nam diâp 100 to pu páihdrê ăm vâi kơdrâi kuăn pơlê hdroâng kuăn ngo a Dak Lak. Tơdroăng kố pêi pro tung 3 rôh, diâp 100 to pu pái đâi ăm 30 rơpŏng cho kuăn pơlê hdroâng kuăn ngo a mâu pơlê a kong pơlê Dak Lak.

Tơdroăng kố kô tŏng kum liăn tiô túa ki tâ tá ăm mâu rơpŏng ki rah xo, ai tơdroăng tơhrâ pơla 3 pâ,mê cho Khu ngăn vâi kơdrâi ki mơdró kâ kong pơlê Dak Lak, mâu rơpŏng ki păn ƀă khu tơrŭm ngăn vâi kơdrâi kong pơlê. Rêm rơpŏng ko châ xo 3 to pu pá kăn. Khu ing 3 troh 5 rơpŏng a chê hngêi kô diâp tơ’nôm 1 to pu pái đâivâ tơtiêo ăm ai kuăn.

Tung pơla môi hneăng tŏng kum 2 hơnăm, tung mê rêm pâ ki tơdjâk kô séa ngăn tŏng kum rêm rơpŏng ki păn pu pái, mơnhên tối tơdroăng ki lĕm, tâng ôh tá mơdêk tơƀrê mê kô pơhlêh pu pái mê ăm rơpŏng ki ê păn.