Luâ 10 hơnăm tơbleăng pêi pro Luât ƀă pêi pro Hâi Luât a Dak Lak, rơkê, tơƀrê hnoăng cheăng mơjiâng, tơkŭm pêi pro luât châ mơdêk nhên khât ƀă tơƀrê hên tơdroăng ki kal, veăng kum pêi pro châ tơƀrê hnoăng cheăng rak vế kring tơniăn, rak vế tơniăn lâp pơlê pơla.

Sap ing hơnăm kố, mâu khu râ, kơvâ cheăng mâu khu ra Đảng, khu kăn pơkuâ cheăm, tơring tung kong pơlê kô đi đo séa ngăn, tăng ‘nâi mâu tơdroăng pơkâ ki nếo vâ ‘mâi rơnêu, ‘mot tơ’nôm teăm tơdrêng, malối cho ‘na mâu kơvâ cheăng: hơ’lêh chêh pro hlá mơ-éa, rak ngăn tơnêi tơníu, pêi pro hnoăng cheăng. Rơtế amê, rêm ngế kăn ƀô̆ đảng viên, mâu ngế cheăng djâ troăng ahdrối pêi pro kơtăng, pêi pro tro luât. Drêng kố, Vi ƀan hnê ngăn kong pơlê Dak Lak khĕn kơdeăn ăm khu pú hên, mâu ngế krê ai hên tơdroăng ki rơkê tung 10 hơnăm pei pro Luât tối tơbleăng hnê hriâm luât.