Tơdroăng tơkêa “Thăm mơdêk hnê nâl Xuăn ăm vâi hdrêng mầm non, hok tro râ má môi kơpong hdroâng kuăn ngo kong pơlê Dak Lak” hiăng châ mâu tơdroăng cheăng ki tơƀrê. Lâp kong pơlê nôkố ai lối 1 rơpâu toăng hngêi trung hriâm sap ing râ mầm non troh râ má pái phôh thong, ƀă vâ chê 470 rơpâu ngế hok tro, tung mê hok tro hdroâng kuăn ngo a râ mầm non châ 35%, hok tro râ má môi châ 40%.

Hơnăm hriâm 2021 – 2022, ai 98% hok tro hdroâng kuăn ngo râ má môi hriâm klêi nâl Xuăn; kơxô̆ hok tro hdroâng kuăn ngo mot hriâm lâm 1 tro hơnăm (cho 6 hơnăm) châ 99,8%. Tung la ngiâ, kơvâ ngăn hnê hriâm ƀă hnê tuăn ngoâ rơkê kong pơlê Dak Lak pơtối mơdêk hnoăng cheăng hnê hriâm tơ’nôm mơdêk ki rơkê ăm kăn ƀô̆ rak ngăn, thái cô ‘na tơdroăng tơpui rêm hâi, túa ki tơkŭm hnê hriâm nâl Xuăn ăm hok tro hdroâng kuăn ngo râ mầm non, râ má môi hriâm.

Mơdêk chôu hnê nâl Xuăn tơ’nôm 2 tiê̆t tung môi măng tĭng sap ing lâm 1 troh lâm 5; mơdêk hnê nâl Xuăn ngăn tung tơdroăng ki tơpui môi tiah rơkong nôu rơnêh dêi tơná vâ rak vế khôi túa lĕm tro mơhno túa lĕm hdroâng kuăn ngo’ mơdêk hnê nâl Xuăn tung mâu môn hriâm ƀă tơdroăng cheăng hnê hriâm.