VOV4.Xơ Đăng - Troh nôkố, kong pơlê Dak Nông ối chĕn 28 rơtal liăn tŏng kum ăm mâu kăn ƀô̆ mâu ngế cheăng ngăn pơkeăng pơlât veăng plâ mơdât pơreăng COVID-19. Tiô Khu xiâm ngăn pơkeăng pơlât Dak Nông, ki xiâm xua kơvâ cheăng tơkŭm pêi ‘na tơdroăng plâ mơdât pơreăng, mê tơdroăng po ngăn, tơ’nôm inâi chiâng pêi hrá. Krê kơxô̆ liăn chĕn ăm ‘na tơdroăng tŏng kum mâu ngế cheăng ngăn pơkeăng pơlât hơnăm 2021 ai 28 rơtal liăn, ƀă mơni kơxô̆ liăn dêi hơnăm 2022 lối 40 rơtal liăn nếo.

Kăn ƀô̆ cheăng ngăn pơkeăng pơlât Dak Nông veăng plâ mơdât pơreăng

A rôh kơ-êng tung rôh hôp má 4 po a hâi lơ 26/7, pôa Lưu Văn Trung, Kăn hnê ngăn Hô̆i đong kong pơlê Dak Nông tối tiah kố, ôh tá chiâng mơnĕn tối tơdoăng kố tơdroăng mê chiâng pro hrá tŏng kum ăm mâu kăn ƀô̆ cheăng ngăn pơkeăng pơlât, mâu ngế ki lăm plâ mơdât pơreăng COVID-19. Mâu kơvâ cheăng tung kong pơlê thế pê klêi tơdroăng ăm liăn kơ mâu ngế ki veăng plâ mơdât pơreăng tung khế 8 kố ah. 

Gương tơplôu ƀă tơbleăng