VOV4.Xơ Đăng - Đoân khô̆i mâu kơ koan ƀă Khu tê mơdró kong pơlê Dak Nông nếo tơkŭm po pơcháu tơmeăm droh rơtăm “Troăng on tơhrik pro bâ eăng troăng pơlê’’ ăm kuăn pơlê ƀă khu râ kăn pơkuâ cheăm Trường Xuân (tơring Dak Song). Tơmeăm ai 40 pul on tơhrik mâ hâi, pro bâ eăng 2 troăng kân a ƀon N’Jang Bơ ƀă ƀon Ding P’lei (cheăm Trường Xuân) ƀă tâi tâng xŏn lối 2km.

Droh rơtăm kơvâ ngăn ‘na on tơhrik krâ pul on tơhrik bâ eăng troăng kân

Tơmeăm kơnâ 60 rơtuh liăn xua đoân viên, droh rơtăm mâu kơ koan, khu tê mơdró tung kong pơlê veăng tơlo, tŏng kum; droh rơtăm kơvâ on tơhrik Dak Nông mơjiâng pro. Mâu troăng tung 2 pơlê châ ai on tơhrik bâ eăng kô kum gâk kring tơniăn a mâu kơpong kuăn pơlê rêh ối, pro tơ’lêi hlâu vâ kuăn pơlê prôk lăm.

Đoân droh rơtăm diâp tơmeăm troăng on tơhrik bâ eăng troăng pơlê a Trường Xuân

Tơmeăm ‘’Troăng on tơhrik pro bâ eăng troăng pơlê’’ xuân mơhno hiâm mơno djâ troăng ahdrối, pleăng hnoăng cheăng xua tơdroăng rêh ối dêi pơlê pơla dêi rơxông hơnăm ối nếo Dak Nông vâ tơdjuôm ivá mơjiâng thôn pơlê nếo.

A Sa Ly tơplôu ƀă tơbleăng