VOV4.Xơ Đăng - Tung 5 khế apoăng hơnăm 2022, a kong pơlê Dak Nông hiăng châ hlo ƀă pơxâu phâk 434 roh pro xôi xúa on tơhrik, tung mê ai 9 roh tong on tơhrik. Tâi tâng kơxô̆ liăn châ xo, chêl vâ chê 250 rơtuh liăn. Nôkố mâu tíu pơkuâ on tơhrik a Dak Nông dế pơtối thăm tơrŭm ƀă mâu kơ koan ai hnoăng mơdêk châ tơƀrê tơdroăng séa ngăn tơdroăng xúa on tơhrik. Kơvâ on tơhrik xuân rak tơdroăng séa ngăn a mâu phân mêm điê̆h tưh, teăm tơdrêng châ hlo tơdroăng tong tơdjêp kơxái on tơhrik vâ kum mau ngế ki xúa on tơhrik séa ngăn xiâm kối.

Kăn ƀô̆ on tơhrik thăm séa ngăn tơdroăng xúa on tơhrik

Ing mê, hiăng hbrâ trâm, tiâ tối vâ mơngế ki xúa on tơhrik hlê plĕng nhên xiâm kối on tơhrik tâk, rĕng rơnêu mâu tơdroăng ki tơ’nhê, tơniăn tơdroăng xúa on tơhrik tơniăn, kơdĭng, châ tơƀrê.

A Sa Ly tơplôu ƀă tơbleăng