VOV4.Xơ Đăng - Hbrâ ăm hneăng tơ’noăng mơgêi râ má pái phôh thong hơnăm kố, kong pơlê Dak Nông pơtối pêi pro troăng hơlâ tŏng kum liăn ngân kum mâu hok tro ai tơdroăng rêh ối – cheăng kâ pá puât, hok tro mơngế hdroâng kuăn ngo hmiân tuăn veăng tơ’noăng. Hneăng tơ’noăng kố, kong pơlê Dak Nông ai lối 6.870 ngế hok tro kĭ tơ’noăng, tung mê ai lối 1.580 ngế hok tro mơngế hdroâng kuăn ngo. Nôkố mâu hngêi trung hriâm tung kong pơlê dế pơtối tơkŭm hriâm mâu ƀai hiăng hriâm tung kơxop mơ-éa vâ châ điêm hên má môi.

Tơkŭm hriâm tâp ƀai vâ hok tro tơ’noăng châ điêm hên

Pôa Phan Thanh Hải, kăn phŏ Pơkuâ hnê hriâm ƀă hnê mơjiâng kong pơlê Dak Nông, tối ăm ‘nâi, hơnăm kố, kong pơlê pơtối pêi pro troăng hơlâ tŏng kum liăn a ngâ lối 300 rơpâu liăn ăm rêm ngế hok tro ai tơdroăng rêh ối – cheăng kâ pá puât, hok tro mơngế hdroâng kuăn ngo, kum mâu vâi o hmiân tuăn veăng tơ’noăng.

A Sa Ly tơplôu ƀă tơbleăng