VOV4.Xơ Đăng - Đảng ủy khô̆i mâu kơ koan xiâm tơnêi têa nếo ăm kơxô̆ liăn 1 rơtal liăn vâ mơjiâng pro 20 toăng hngêi ăm mâu rơpŏng kơtiê xơpá ‘na hngêi ối a Bình Định. Pôa Nguyễn Quang Trường, Kăn phŏ hnê ngăn Đảng ủy khô̆i mâu kơ koan Xiâm tơnêi têa ăm ‘nâi, hơnăm 2021, Đảng ủy khô̆i pêi pro pơkâ kơxô̆ 05 dêi khu kăn Xiâm Đảng ‘na  tơdroăng “mơdêk hnoăng pơkuâ hnê mơhno dêi Đảng ƀă tơdroăng cheăng xăm kơtiê krá tơniăn ton troh hơnăm 2030”.

Leh ăm liăn ki vâ kơjo kum mâu rơpŏng kơtiê mơjiâng pro hngêi

Ing mê, rêm Đảng ƀă xiâm xo tơdjêp, pro nhŏng o, veăng kum ki iâ môi tơring kơtiê, cheăm kơtiê tung lâp tơnêi têa vâ tŏng kum tơmeăm, hnê xúa khoa hok kơmăi kơmok tung pêi cheăng, kum pơlê cheăm bêng mơnhông cheăng kâ, kơdroh kơklêa xăm kơtiê. Troh nôkố, tâi tâng Đảng bô̆ khô̆i hiăng mơhnhôk châ 17,6 rơtal liăn ing liăn ngân dêi hngêi rak liăn tê mơdró, khu ai tuăn hơ-ui ƀă dêi mâu kăn bô̆, kŏng chưk, viên chưk tung Đảng bô̆.

Gương tơplôu ƀă tơbleăng