Pêi pro Tơdroăng dêi Khu pơkuâ hnê ngăn Đảng ƀô̆ pơlê kong kơdrâm Plei Ku hneăng 12 “ ‘na pơtối mơdêk rơdêi hnoăng cheăng kơdroh kơtiê krá ton, mơdêk ki rơkê plĕng tung tơdroăng rêh ối kuăn pơlê, malối cho mâu pơlê hdroâng kuăn ngo a pơlê kong kơdrâm”, ing hơnăm 2021 troh nôkố, pơlê kong kơdrâm tơrŭm ƀă mâu kơ koan, tíu pêi cheăng, Vi ƀan hnê ngăn cheăm, bêng mơhnhôk mâu khu mơdró kâ, mâu ngế krê ki hiâm mơno hơ-ui, khu râng liăn “Xua vâ gum mâu kơtiê pơlê kong kơdrâm” ƀă dêi cheăm gum 95 rơpŏng pro hngêi ƀă ‘mêng hngêi ki ton tâi tâng kơxô̆ liăn lối 4,7 rơtal liăn; tŏng gum ăm hdrê pêt, mơnăn păn, phon rơvât, kơxô̆ liăn pêi cheăng kơjo lối 13,8 rơtal.

Pôa Trần Tấn Quang, Ngế xiâm pơkuâ cheăng kâ pơlê kong kơdrâm Plei Ku, ăm ‘nâi, kơxô̆ rơpŏng kơtiê a pơlê kong kơdrâm châ 0,24%, ƀă 149 rơpŏng kơtiê. Pơlê kong kơdrâm dế pơtối hriăn ngăn, tơbleăng tơ’nôm mâu túa tŏng gum tơtro vâ mơdêk ki tơƀrê dêi tơdroăng cheăng kố.