Vâ chê 400 ngế vâi o hok tro hiăng châ hnê tối mâu tơdroăng pơkâ dêi luât tung tơdroăng ‘na troăng prôk ‘na vế rơxế mô tô, rơxế hon đa; mâu tơdroăng ki kal ‘na luât prôk drô troăng, ‘na tíu tơbleăng ‘na troăng prôk ƀă pro ti lâi drêng ai tơdroăng ‘na troăng prôk. Tơdrêng amê cho mâu tơdroăng hnê  ‘na vế rơxế mô tô, rơxế hon đa drêng kơtâu drô troăng vâ rak tơniăn.

Peăng tơdroăng hnê kơto rơxế tơniăn tơ’mot hên mâu vâi o hok tro veăng hriâm

Khu ngăn ‘na rak Tơniăn troăng prôk kong pơlê Gia Lai, ing apoăng hơnăm troh nôkố, a kong pơlê hiăng trâm ai 270 droh tơklâm rơxế, pro 195 ngế hlâ, 215 ngế tro rong, tâk 3 tơdroăng pơkâ tâng vâ pơchông ƀă hơnăm nah. Ki tô tuăn cho hên ngế phô̆m xông kân, tung mê ai hok tro pro xôi luât ki pơkâ tơniăn a troăng prôk pro hên tơdroăng xôi. Hâi teăm tro hơnăm kơto rơxế, ôh tá xo muâk râk ko, prôk mơgăn troăng... ƀă o hâi hlê túa vê rơxế hon đa ki vâ pro tơnuăn chiâng trâm xía vâ.