Mâu khế hdrối nah, Gia Lai pơtối trâm hên xơpá tung ăm liăn ‘no mơjiâng tơmeăm khoăng. Tâi tâng pơkâ liăn ăm hơnăm 2024 lối 3.800 rơtal liăn, riân troh hâi lơ 26/3/2024 kong pơlê bú nếo ăm châ 196,9 rơtal liăn, châ 5,1% tơdroăng pơkâ.

Tung mê, ăm 3 tơdroăng pơkâ dêi tơnêi têa bú iâ, ƀă 3,3% . Kố cho hơnăm má péa ki pơtối Gia lai hrá ăm liăn ngân vâ ‘no mơjiâng tơmeăm khoăng tơnêi têa sap apoăng hơnăm. Hơnăm nah, kong pơlê kố ăm liăn ngân ‘no mơjiâng bú lối 70% tiô pơkâ.

Vi ƀan kong pơlê Gia Lai pơkâ, ƀă tŭm tơdroăng, tơdroăng ăm liăn ngân pơkâ liăn ‘no mơjiâng tơmeăm khoăng hơnăm 2024 thế châ 95%. Pôa Nguyễn Tuấn Anh, Kăn phŏ hnê ngăn Vi ƀan kuăn pơlê dêi kong pơlê Gia lai pơkâ thế  mơdêk hnoăng cheăng pêi tơdrêng ƀă mơjiâng mâu tôh pêi cheăng tah ki xơpá ‘na xo liăn ngân ăm tơrêm kơvâ cheăng.