Kơxo lơ 15/11, Đoân Droh rơtăm Kŏng san Hồ Chí Minh kong pơlê Gia Lai tơrŭm ƀă Khu pơkuâ hnê hriâm ƀă hnê mơjiâng tuăn ngôa rơkê kong pơlê Gia Lai tơkŭm po Leh kheăn kơdeăn vâi hdrêng hdroâng kuăn ngo ƀă vâi hdrêng kơtiê tơkâ hluâ pá puât hriâm rơkê. Mơhé ai tơdroăng rêh ối pá puât, laga mâu vâi o đi đo kơdo, mơ-eăm châ tơƀrê hôm lĕm tung hriâm tâp, thăm veăng mâu tơdroăng pêi, mâu tơdroăng pêi dêi hngêi trung; cho kuăn nguăn hok tro hriâm rơkê, muăn nguăn loi Pôa Hồ.

Kăn pơkuâ kong pơlê Gia Lai pói vâ mâu kơvâ cheăng, rêm râ kô pơtối tơmâng hên tâ mê nếo tung tơdroăng rak ngăn ivá, hnê hriâm vâi hdrêng phô̆m xông kân, vâi hdrêng, rak ngăn ăm vâi hdrêng ai tơdroăng rêh ối pá puât tung la ngiâ. Roh kố, 81 ngế hok tro cho mơngế hdroâng kuăn ngo ƀă ai tơdroăng rêh ối pá puât tung kong pơlê Gia Lai phiu ro châ tơdah ƀâng kheăn kơdeăn dêi Đoân Droh rơtăm Kŏng san Hồ Chí Minh kong pơlê Gia Lai.