Lâp tung kong pơlê Gia Lai nôkố ai 955 ngế krâ pơlê, mâu ngế kuăn pơlê pâ nhoăm tung kơpong hdroâng kuăn ngo. Mâu hơnăm hdrối, mâu krâ pơlê, mâu ngế kuăn pơlê pâ nhoăm hiăng mơhnhôk kuăn pơlê veăng tơlo lối 700 rơtal liăn, pleăng lối 132 rơpâu m2 tơnêi vâ mơjiâng tơmeăm khoăng  ăm kuăn pơlê xúa; kum ăm lối 20 rơpâu rơpŏng kuăn ngo pơ’lêh tơdroăng tơchěng tơmiât, túa pêi cheăng, pêi chiâk deăng.

Kăn hnê ngăn Vi ƀan kong pơlê Gia Lai diâp ƀâng kơdeăn khěn ăm mâu ngế ki kuăn pơlê pâ nhoăm pêi cheăng kơhnâ rơkê

Troh nôkố, lâp tung kong pơlê Gia Lai hiăng ai 91 to cheăm châ mơnhên tối thôn pơlê nếo, tơdroăng rêh ối dêi kuăn pơlê tung kơpong hdroâng kuăn ngo rế châ pơ’lêh tơƀrê; túa lěm tro châ kuăn  pơlê pơtối rak vế. Rôh kố, Vi ƀan kong pơlê Gia Lai ƀă Vi ƀan Măt trâ̆n tơnêi têa Việt Nam kong pơlê diâp ăm ƀâng kơdeăn khěn ăm 200 ngế cho mâu ngế kuăn pơlê pâ nhoăm pêi cheăng kơhnâ rơkê tung hdroâng kuăn ngo.