VOV4.Xơ Đăng - Kơxê lơ 9/9, Vi ƀan hnê ngăn kong pơlê Gia Lai tơkŭm po mơgêi 20 hơnăm tơbleăng pêi pro tơdroăng ki ăm mung liăn tŏng kum rêh ối pơlê pơla ƀă mâu kơtiê ƀă mâu ngế ki châ troăng hơlâ tŏng kum ki ê tiô pơkâ kơxô̆ 78 dêi Chin phuh. Pêi pro tơdroăng pơkâ 78 dêi Chin phuh, 20 hơnăm hdrối nah, tơdroăng ăm mung dêi Hngêi rak liăn tŏng kum rêh ối pơlê pơla hiăng tŏng kum ăm tai tâng thôn, pơlê, tôh kơphŏ a kong pơlê Gia Lai ƀă 220 tíu ki ăm mung, lối 3.300 Tôh kơdĭng ƀă mung liăn, veăng kum ăm lối 225 rơpâu rơpŏng kơtiê, vâ chê kơtiê mơ-eăm hluăn ing kơtiê krá ton.

Tâ tá roh hôp

Hiăng ai lối 783.500 ngế châ mung liăn kơjo kum mơnhông mơdêk cheăng kâ; 63 rơpâu ngế hok tro sinh viên ai tơdroăng rêh ối xơpá châ mung liăn hriâm tâp; kum mơjiâng pro 14 rơpâu toăng hngêi ăm rơpŏng kơtiê, pro 212 rơpâu tíu ki ‘măn kơdoăng têa krúa ƀă hngêi mơdrah a thôn pơlê. Hneăng hơnăm 2021 – 2025, kong pơlê Gia Lai pơkâ thế mâu tíu pêi cheăng ki ai tơdjâk pơtối tơbleăng tơƀrê tơdroăng ki ăm mung liăn tơtro ƀă mâu tơdroăng pơkâ tơmiât dêi kong pơlê ‘na tơdroăng hơ’lêh cheăng kâ, mơjiâng thôn pơlê nếo.

Katarina Nga tơplôu ƀă tơbleăng