VOV4.Xơ Đăng - Kơxo lơ 7/10, a pơlê kong krâm An Khê, khu kăn Đảng, Hô̆i đong, Vi ƀan hnê ngăn, Vi ƀan Măt trâ̆n tơnêi têa Việt Nam pơlê kong krâm An Khê tơkŭm po leh lăm pôu ngăn, mơdâm ƀă ‘mế 19 kơxêng kiâ mâu ngế hlâ ai hnoăng tơnêi têa xua Đô̆i K52 - Khu xiâm pơkuâ lêng kong pơlê Gia Lai tăng rôu, tơkŭm. Ing mê, tung khế 8 ƀă khế 9 kố nah, mâu kăn ƀô̆, mâu mố đô̆i K52 kong pơlê Gai Lai tơrŭm ƀă mâu tíu pêi cheăng lêng kong pơlê mơnhên mâu tơdroăng ing mâu mố đô̆i hơnăm hiăng krâ ƀă kuăn pơlê ki tối ăm ‘nâi mâu tơnâp ‘mế mâu ngế hlâ ai hnoăng tung tơring Đăk Pơ ƀă pơlê kong krâm An Khê.

Gia Lai mơdâm, mế 19 kơxêng kiâ mố đô̆i hlâ ai hnoăng tơnêi têa

Ing mê, mâu lêng Đội K52 hiăng tăng hlo 18 khu kơxêng kiâ mố đô̆i a pơlê kong krâm An Khê, 1 khu kơxêng kiâ a tơring Đăk Pơ. Tơdrêng amê, mâu tơmeăm ki tăng hlo môi tiah: kơdjiăn ếo, ning nok, dep kơxu, mŏng kâ hmê.

VOV Tây Nguyên/Tơplôu: Gương