VOV4.Xơ Đăng - Pêi pro tơdroăng ki ‘no liăn ăm mung kơjo tung Tơdroăng ‘mâi mơnhông ƀă mơdêk cheăng kâ rêh ối pơlê pơla tiô Pơkâ kơxô̆ 11 hâi lơ 30/1/2022 dêi Chin phuh, Tíu pêi cheăng Hngêi rak liăn tŏng kum rêh ối pơlê pơla kong pơlê Dak Lak hiăng tơkŭm po mâu rôh ăm mung vâ teăm ‘no liăn ăm mung troh kŏng kuăn pơlê.

Gia Lai: ‘no liăn kơjo tiô pơkâ 11 dêi Chin phuh

Pêi pro tơdroăng ‘mâi mơnhông ƀă mơdêk cheăng kâ rêh ối pơlê pơla tiô Pơkâ kơxô̆ 11 dêi Chin phuh, rôh kố, Hngêi rak liăn tŏng kum rêh ối pơlê pơla kong pơlê Gia Lai châ xoăng lối 100 rơtal liăn vâ pêi pro 3 tơdroăng: ăm mung tŏng tăng cheăng pêi; ăm mung ƀă mâu hok tro, sinh viên ƀă ăm mung pro hngêi ối. Nôkố mâu tơring, cheăm dế tơbleăng xing xoăng ƀă rĕng ăm kơxô̆ liăn kơjo kố châ troh ƀă kuăn pơlê.

Katarina Nga tơplôu ƀă tơbleăng