VOV4.Xơ Đăng - Hâi lơ 26/9, Khu lo tŏng veăng tơring Đăk Pơ, kong pơlê Gia Lai tơrŭm ƀă Khu tơrŭm Tác Động Xã Hội Australia (ASIF) a Việt Nam pơkâ diâp ăm 5 to klôh têa ki pong ối tung tơdroăng tơkêa ‘Klôh têa krúa diâp ăm pơlê” ăm kuăn pơlê a tơring Đăk Pơ, kong pơlê Gia Lai. Tiah mê, 5 to klôh têa krúa kố châ pơcháu a 5 to pơlê, ối tung cheăm Yang Bắc, tơring Đăk Pơ. Kơxô̆ liăn pong sap ing 80 troh 120 rơtuh liăn tung môi klôh. A rôh pơcháu, kăn ƀô̆ Hô̆i Khu lo tŏng veăng tơring prế khu tơrŭm (ASIF) hiăng hnê ăm kuăn pơlê túa ki xúa xuân môi tiah rak ngăn têa klôh kố.

Têa krúa sap ing “Klôh têa krúa diâp ăm pơlê”

Tơdroăng tơkêa “Klôh têa krúa diâp ăm pơlê” châ tơbleăng sap ing hơnăm 2021 troh 2023 xua khu tơrŭm ASIF tơrŭm ƀă Khu lo tŏng veăng kong pơlê Gia Lai pong, kô tơbleăng tŏng kum 200 to têa klôh a kong pơlê Gia Lai.

VOV  TâyNguyên

Katarina Nga tơplôu ƀă tơbleăng