Ing mê, Khu ngăn hnê hriâm ƀă hnê mơjiâng tuăn ngôa rơkê kong pơlê Dak Lak pơtối mơdêk tơdroăng hnê rơbot ƀai vâ tơ’noăng, hnê mâu tơdroăng chêh tung pro ƀai ăm hok tro, malối hok tro kơpong hngế hngo, kơpong kơtiê xơpá.

Pakĭng mê, mâu cheăm, tơring, kong pơlê tăng ngăn mâu kơƀăng tăng tơmeăm xúa vâ tơniăn; hbrâ lơ ai mâu tơdroăng, tơmâng khât troh tơdroăng kong prâi, khía mơhot pro têa lân lu, hbrâ chêh hdrối tơdrăng vâ pêi pro hbrâ ví xía vâ, vâ tơniăn ăm hneăng tơniăn, tro tiô pơkâ. Hneăng tơ’noăng mơgêi hriâm râ má pái phôh thong hơnăm kố, kong pơlê Dak Lăk ai 33 tíu tơ’noăng, vâ chê 21 rơpâu ngế hok tro. 

Kơvâ ngăn hnê hriâm hiăng hbrâ lối 2. 800 ngế kăn ƀô̆ pêi hnoăng cheăng a mâu hô̆i đô̆ng ngăn tơ’noăng. Pôa Phạm Đăng Khoa, Ngế pơkuâ ngăn Hnê hriâm ƀă hnê mơjiâng tuăn ngôa rơkê kong pơlê Dak Lak ăm ‘nâi, vâ hneăng tơ’noăng tơniăn, tá ai tơdroăng klâi, Khu ngăn hnê hriâm tơmâng khât tơdroăng hnê ăm mâu kăn ƀô̆ pêi tơdroăng cheăng séa ngăn, lăm tăng ngăn.