VOV4.Xơ Đăng - Pôa Vũ Đức Đam, Ngế pro xiâm hnê ngăn tơnêi têa nếo kĭ Pơkâ tơdroăng “hnê hriâm ‘na tuăn ngôa tuá cheăng kăch măng, tuăn mơno lĕm, rêh ối lĕm tro ăm mâu droh rơtăm mâu phô̆m xông kân, vâi o tung tơdroăng po ngăn cheăng tung măng Internet pơla hơnăm 2022 - 2030. Tơdroăng pơkâ tơchoâm dêi Tơdroăng mơdêk ki tơ-ƀrê tung tơdroăng hnê hriâm hnê ‘na tuăn tơmiât pêi pro dêi kăch măng, hnê ‘na hiâm mơno lĕm, rêh ối lĕm tro ăm mâu droh rơtăm, mâu phô̆m xông kân, vâi o tung po ngăn cheăng tung măng Internet, ing mê veăng ‘no hnoăng mơjiâng rơxông nếo ai tuăn rơkê ‘na kăch măng, khên tơnôu, ai hiâm tuăn pâ tơnêi têa, tuăn ngôa rơkê, rêh ối lĕm tro, rak vế pêi pro tro luât, hnoăng cheăng pêi ƀă kuăn pơlê, ai púi vâ, tuăn tơmiât vâ pêi, puí vâ ƀă rơkê tơrŭm cheăng ƀă lâp plâi tơnêi tung tơdroăng rêh ối tiô kơxô̆.

Tơdroăng mơ-eăm troh hơnăm 2025 lối 90% ngế kăn ƀô̆ đôan, hội, đô̆i, đoân viên, hô̆i viên ƀă 80% ngế droh rơtăm, mâu vâi o ki phô̆m xông kân châ hnê tối ƀă kơhnâ pêi pro tro tiô pokâ tơpui tơno tro luât phêp tung măng xah hô̆i; troh hơnăm 2030, châ 100% ƀă 90% mâu pơkâ tơ-‘mô. 100% to cheăm, bêng ai ƀâng mơ’no tơdroăng ăm ‘nâi hnê ‘na tuăn ngôa lê’m ăm mâu vâi o.

Gương tơplôu ƀă tơbleăng