VOV4.Xơ Đăng  - Kơxo lơ 27/9, Viƀan pơkuâ Kuô̆k hô̆i tơkŭm po Hneăng hôp pêi pro tơdroăng séa ngăn dêi Kuô̆k hô̆i hơnăm 2023. Hneăng hôp mơnhên, tung pơla kố nah, tơdroăng séa ngăn dêi Kuô̆k hô̆i hiăng châ thăm pêi pro ƀă pơ’lêh nếo, rế hía rế mơdêk ki rơdêi, châ tơƀrê, châ tơƀrê hên kal khât. Tơdroăng séa ngăn châ Kuô̆k hô̆i rah xo tro ƀă tơdroăng nôkố mơnhông mơdêk dêi tơnêi têa, tơkŭm tung mâu tơdroăng kân, ki kal lơ mâu tơdroăng tô tuăn tung tơdroăng rêh ối.

Pôa Vương Đình Huệ, Kăn xiâm hnê ngăn Kuô̆k hô̆i xông tơpui mơgêi a hneăng hôp

Mơgêi hneăng hôp, pôa Vương Đình Huệ, Kăn xiâm hnê ngăn Kuô̆k hô̆i pơkâ thế, mâu kơ koan dêi Kuô̆k hô̆i, kơ koan cheăng mơnhên tơdroăng mơdêk châ tơƀrê tơdroăng séa ngăn cho môi tơdroăng xiâm ki kal, tơdroăng ki kal tung tơdroăng pơ’lêh nếo tơdroăng pêi cheăng dêi Kuô̆k hô̆i tiô troăng tơmiât, troăng hơlâ dêi Đảng ‘na mơjiâng tơnêi têa tiô luât xah hô̆i chuh ngiah dêi Kuăn pơlê, xua kuăn pơlê, ăm kuăn pơlê.

VOV/Tơplôu: A Sa Ly