VOV4.Xơ Đăng - Kơxê lơ 16/2, a Hà Nội po hneăng hôp mơ’no tơdrêng tiô troăng hyôh Internet tơbleăng pơkâ kơxô̆ 11 dêi Chin phuh ‘na tơdroăng ‘mâi mơnhông ƀă mơdêk cheăng kâ - rêh ối ƀă tơbleăng pơkâ kơxô̆ 43 dêi Kuô̆k hô̆i ‘na  luât pơkâ liăn ngân tŏng kum Tơdroăng mê. Veăng hôp ƀă tối tơbleăng a hneăng hôp, pôa Lê Minh khái, Ngế pro xiâm phŏ hnê ngăn tơnêi têa tối tiah kố, vâ tơbleăng pêi mâu pơlâ mung liăn teăm tơdrêng, tơ-brê , tro mơngế vâ tŏng kum mâu ngế kơtiê ƀă mâu ngế ai hnoăng ki kơtiê tơkâ luâ xơpá xua pơreăng kân COVID-19, veăng ‘mâi mơnhông ƀă mơdêk cheăng kâ - rêh ối tiô pơkâ kơxô̆ 11, kal mơdêk hnoăng cheăng hên tâ nếo vâ pêi tro Tơdroăng mê, kal tơrŭm krá kak, pơla mâu khu xiâm kơvâ cheăng, kong pơlê vâ châ tơ-ƀrê.

Tâ tá rôh hôp

Ngế pro xiâm phŏ hnê ngăn tơnêi têa tối nhên: drêng ai luât pơkâ ƀă kơxô̆ liăn kal tơkŭm pêi pro, tơbleăng ăm mung tơniăn teăm tơdrêng, tơ-ƀrê, tro mơngế ki xúa, tơbleăng ăm rêm ngế ‘nâi, tơdrăng ôh tá kơtôa.

Gương tơplôu ƀă tơbleăng