VOV4.Xơ Đăng - Tung 2 hâi lơ 27 ƀă 28/4, a pơlê kong kân Đà Nẵng, Vi ƀan hnê ngăn ‘na luât dêi Kuô̆k kuô̆i hneăng 15 tơkŭm po hôp tâi tâng roh má 6 séa ngăn mâu tơdroăng tơkêa luât pêi pro tro tiô tuăn kuăn pơlê, tơdroăng tơkêa luât Séa ngăn (‘mâi hơ’lêh) ƀă Hlá mơ-éa chêh pơtroh ăm Chin phuh ‘na tơdroăng mơjiâng pơlê kân Phương Sơn (tơring Lục Nam) ƀă pơlê kân Bắc Lý (tơring Hiệp Hòa), kong pơlê Bắc Giang.

A heăng hôp, Khu kăn Vi ƀan ngăn ‘na luât môi tuăn tơdroăng ki kal pơkâ luât pêi pro tro tuăn kuăn pơlê a cheăm. Ing mê, teăng pơ’lêh troăng rơhlâ pơtối môi tuăn xah hô̆i chuh ngiah ƀă troăng rơhlâ pơkâ ‘’kuăn pơlê ’nâi, kuăn pơlê tơpui, kuăn pơlê pêi, kuăn pơlê séa ngăn, kuăn pơlê tí tăng ngăn, kuăn pơlê xúa’’.

‘Na hồ sơ tơdroăng tơkêa luât, Khu kăn Vi ƀan luât pâ thế Chin phuh pơtối tí tăng ‘nâi plĕng vâ tối tơbleăng tơ’nôm lơ hbrâ tối nhên tâ vâ tơdroăng tơbleăng mơgêi pêi pro tiô luât.

Gương tơplôu ƀă tơbleăng