VOV4.Xơ Đăng - Maluâ trâm hên tơdroăng ki xơpá tung tơdroăng ki ‘no on tơhrik a tíu xiâm mơ’no on tơhrik xuân môi tiah tơdroăng ki tơdjâk ‘na yă tê ăm tơdroăng ki mơ’no on tơhrik, la Grup pơkuâ On tơhrik Việt Nam (EVN) xuân tơhrâ pêi pro ‘no tŭm on tơhrik ăm tơdroăng cheăng kâ ƀă tơdroăng rêh ối, tơdrêng amê hlối pêi pro kơtăng mâu tơdroăng ki hnê mơhno dêi Chin phuh tung tơdroăng ki pro tơdâng, kơdroh mâu kơxô̆ liăn vâ pôi tá mơdêk yă tê ‘ngré on tơhrik tung hơnăm 2022 kố, vâ rak tơniăn mâu tơdroăng ki séa ngăn tơdâng kân dêi cheăng kâ.

Rôh tâk yă tê ‘ngré on tơhrik achê kố châ Ngế pro xiâm hnê ngăn Chin phuh tơbleăng ƀă Khu xiâm ngăn cheăng kơmăi kơmok ƀă tê mơdró pơkâ mơ’no’mâi rơnêu yă tê ‘ngré on tơhrik sap ing hâi lơ 20/3/2019, ƀă lơlo tâk 8,36% tâng vâ pơchông ƀă hdrối mê. Ki nhên, yă tê ‘ngré on tơhrik châ ‘mâi rơnêu, xúa sap ing hơnăm 2019 troh nôkố ai 1.864,44 liăn/kWh (tá hâi riân tá liăn nâp hnoăng VAT).

Katarina Nga tơplôu [ă tơbleăng