Tiô pơkâ tơdroăng ki ăm mâu ngế ki tro kroăng phâk lo hdrối tâ hâi khế pơkâ hơnăm 2024 dêi kăn xiâm hnê ngăn tơnêi têa nếo châ tơbleăng, Kăn xiâm hnê ngăn tơnêi têa pơkâ ăm lo hdrối tâ hâi khế pơkâ ƀă mâu ngế ki tro kroăng phâk cho 3.763 ngế dế pêi pro tro tơdroăng phâk ƀă 7 ngế dế châ pơkâ thế kroăng phâk, ai tơdroăng ki châ pơxúa ăm lo hdrối tâ hâi khế pơkâ hơnăm 2024.

Ăm lo hdrối tâ hâi khế pơkâ ƀă mâu ngế ki tro kroăng phâk ai tơdroăng ki pơrah ƀă mâu ngế pro xôi ki lâi, maluâ cho ngế pro xôi ki lâi cho mơngế Việt Nam lơ mâu ngế pro xôi kong têa ê. Mâu ngế ki kố châ pơkâ thế ăm lo hdrối tâ hâi khế pơkâ hơnăm kố xuân athế pêi pro tŭm mâu tơdroăng ki phâk tơ’nôm tiô pơkâ dêi luât môi tiah: mơdât rak vế hnoăng cheăng, pơkuâ ngăn, phâk liăn, chêl thiê̆n tơdroăng ki tro lup, hnoăng cheăng kuăn mơngế ƀă hên ki ê.