Rôh hôp kố châ tơkŭm po tiô tơdroăng ki tơpui tơno tơdrêng a Tíu xiâm Rôh hôp kong pơlê ƀă ‘no tơdrêng ing troăng hyôh Internet troh a 7 to tíu ki mơ’no râ tơring ƀă 71 tíu mơ’no râ cheăm. Veăng a rôh hôp ai 400 ngế kuăn pơlê pêi chiâk ki rơkê teăng mâ ăm lối 60 rơpâu ngế hô̆i viên kuăn pơlê pêi chiâk deăng ƀă lối 400 khu pêi cheăng tơrŭm, tôh pêi cheăng tơrŭm tung kong pơlê, kơ-êng tơdrêng mâu tơdroăng ki vâ kơ-êng ƀă pôa Hồ Văn Mười, kăn hnê ngăn Vi ƀan kong pơlê Dak Nông ‘na mâu tơdroăng ki tơvâ tơvân ƀă pâ thế, tơkôm dêi kuăn pơlê ki pêi chiâk deăng troh kăn hnê ngăn Vi ƀan kong pơlê, pâ thế mâu troăng hơlâ, troăng hơlâ tŏng kum mâu tơdroăng ki xơpá ăm pêi chiâk deăng.

Mâu tơdroăng ki kuăn pơlê pêi chiâk a kong pơlê kal vâ tơmâng ngăn tơkŭm ki hên cho ‘na tơdroăng ki tŏng kum liăn vâ pêi cheăng; tơdroăng ki tơrŭm, tơrŭm pêi kế tơmeăm tiô tơdroăng ki kơnía.