Drêng Têt Lo hơnăm nếo Quý Mão 2023, pôa Trần Tuấn Anh, ngế xiâm ngăn tơdroăng cheăng kâ Tơnêi têa hiăng pôu, rơkâu Têt a kong pơlê Hà Giang. Pôa Trần Tuấn Anh ƀă Khu kăn ki pêi dêi hnoăng cheăng hiăng troh chôu nhang a Um meăm tơbâ mâu Ngoh khên tơnôu tíu ki ‘ngêi 468, ối a thôn Nậm Ngặt, cheăm Thanh Thủy, tơring Vị Xuyên; pôu, hbru tơmeăm kăn ƀô̆, lêng Khu ngăn tơdroăng cheăng kâ ‘na lêng 313; pôu, hbru tơmeăm ăm kăn ƀô̆, lêng Đông mố đô̆i gâk tơkăng kong bo cheăng lâp plâi tơnêi Thanh Thủy; diâp tơmeăm ăm rơpŏng kơtiê, rơpŏng ki ai troăng hơlâ tŏng kum; kŏng nhân pêi cheăng ki ai tơdroăng rêh ối xơpá.

Pôa Trần Tuấn Anh tơmâng xo mâu tơdroăng ki kal dêi Khu ngăn tơdroăng cheăng kâ ‘na lêng 313, ƀă hnoăng cheăng pei cheăng hnê mơhnhôk, mơjiâng tơdroăng cheăng kal kí, veăng mơnhông cheăng kâ rêh ối pơlê pơla tơtro ƀă tơdroăng ki rak tơniăn pơlê pơla gak kring a mâu kơpong cheăng kâ pơlê pơla cheăm lêng dêi Kuân khu châ hên tơdroăng ki tơƀrê, veăng kum ăm tơdroăng ki mơnhông mơdêk tơdjuôm dêi lâp tơnêi.