Pơtối hneăng hôp má 4, Kuô̆k hô̆i hneăng má 15, hâi lơ 3/11, Kuô̆k hô̆i  pơtối kơ-êng ƀă tiâ rơkong kơ-êng pôa Nguyễn Thanh Nghị, Ngế xiâm pơkuâ mơjiâng pro tơmeăm khoăng. Tơdrêng amê ai kơ-êng pôa Nguyễn Mạnh Hùng, Ngế xiâm pơkuâ tơdroăng kal tiô troăng hyôh Internet ‘na kơvâ pơkuâ kơxô̆ phôn, tơdroăng sim ki xok, mơjiâng tơdroăng cheăng kâ kŏng ngê̆, khu râ kăn pêi cheăng xúa kŏng ngê̆.

A tíu pêi cheăng Kuô̆k hô̆i, mâu kăn teăng mâ pói vâ, Khu xiâm pơkuâ tơdroăng kal tiô troăng hyôh măng Internet kô ai môi troăng pêi mơjiâng tơmeăm kum ăm tơdroăng mơjiâng pơlê pơla chiâng xúa kŏng ngê̆, khu râ kăn pêi cheăng xúa kŏng ngê̆. Ki rơhêng vâ tối cho troăng pơ’lêh xúa kŏng ngê̆ thông tin ăm kơpong hơngế hơngo, rơtế vâi krâ kuăn pơlê hdroâng kuăn ngo.

Tơdroăng ki ai khât troăng măng Internet dêi pin nôkố a mâu kơpong hơngế hơngo tá hâi tơxâng. Mâu kăn teăng mâ pói tơngah Ngế xiâm pơkuâ tơdroăng kal tiô troăng măng Internet kô ai troăng vâ pro lĕm tâ ƀă mơjiâng troăng kơxái hrik mơ’no hyôh măng Internet dêi Việt Nam.