VOV4.Xơ Đăng - Tơpui ‘na tơdroăng tơkêa bro Luât tê mơdró ƀaoh hiêm (‘mâi rơnêu), mâu kăn teăng mâ pơkâ thế pôi tá pơtối xo môi iâ kơxô̆ liăn nâp Liăn rak vế mơngế châ ƀaoh hiêm pơkâ tung tơdroăng tơkêa bro Luât. Laga Khu xiâm pơkuâ liăn ngân xuân pơkâ thế rak vâ Tơnêi têa hbrâ veăng rak vế hnoăng ki pơxúa dêi mơngế ki veăng. Luât tê mơdró ƀaoh hiêm nôkố ƀă tơdroăng tơkêa bro Luât tê mơdró ƀaoh hiêm.

Ki xiâm mơjiâng dêi 2 Kơxô̆ liăn kố pơrá tơmiât la ngiâ tơniăn hnoăng dêi khu tê mơdró ƀaoh hiêm drêng ôh tá ai iá vâ chêl liăn, kum rak vế mơngế veăng rôe ƀaoh hiêm. Mâu khu tơrŭm cheăng tê mơdró ƀaoh hiêm thế pêi inhên tâ tung tơdroăng gâk kring hnoăng pơxúa dêi mơngế rôe ƀaoh hiêm. Pơkâ krá tơniăn hnoăng dêi mâu khu tê mơdró ƀaoh hiêm tung tơdroăng xúa tơdroăng ngế krê dêi mơngế rôe ƀaoh hiêm.

A Sa Ly tơplôu ƀă tơbleăng