Teăng mâ khu râ kăn pơkuâ Đảng ƀă Tơnêi têa ƀă khu râ kăn pêi cheăng, pôa Trần Thanh Mẫn, Kăn xiâm hnê ngăn Kuô̆k hô̆i pơtroh rơkong rơkâu troh mâu ngế pêi cheăng kăch măng hiăng hên hơnăm, Nôu Việt Nam Khên tơnôu, Ngế khên tơnôu dêi kuăn pơlê, Ngế khên tơnôu pêi cheăng, mâu mô đô̆i rong rong, châi tamo, nhŏng o mô đô̆i hlâ tung tơplâ xâ, ngế ai hnoăng ƀă kăch măng dêi kong pơlê Hậu Giang rơkong kơ-êng tá hiâm mơno, mâu tơdroăng tuăn pâ trâu hơngế ƀă hiâm mơno pâ mơnê trâu hơngế.

Kăn xiâm hnê ngăn Kuô̆k hô̆i mơnhên, tŏng kum ăm rơpŏng mô đô̆i rong râ, hlâ hía, rơpŏng ai hnoăng ƀă kăch măng, kố cho tơdroăng ki pâ mơnê mâu ngế ai hnoăng dêi hdroâng mơngế pin. Đảng, Tơnêi têa đi đo tơmâng troh rơpŏng mô đô̆i rong râ hlâ hía, ngế ai hnoăng ƀă kăch măng ƀă hên troăng hơlâ môi tiah mơnhông cheăng kâ – rêh ối pơlê pơla a kong pơlê, tŏng kum ăm rơpŏng ai hnoăng, rơpŏng mô đô̆i hlâ tung tơplâ xâ, châi rong, tŏng gum hngêi ối, tŏng kum mâu troăng hơlâ kơjo ăm kuăn ‘nĕng rơpŏng mô đô̆i rong râ hlâ hía ƀă rơnêu ilâng kiâ mô đô̆i rêm hơnăm.