VOV4.Xơ Đăng - Kơxê lơ 8/8, a hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i pơkuâ rôh pêi cheăng dêi mâu kăn Kuô̆k hô̆i ƀă Ngế xiâm ngăn tơmeăm khoăng ƀă hyôh kong prâi ‘na ‘mâi rơnêu, tơ’nôm Luât tơnêi. Tơbleăng a rôh pêi cheăng, Ngế xiâm ngăn tơmeăm khoăng ƀă hyôh kong prâi  Trần Hồng Hà tối ăm ‘nâi, tơdroăng ‘mâi rơnêu Luât tơnêi dế xo tơdroăng hnê khĕn dêi mâu ngế ki tơdjâk troh tơdroăng mơjiâng tíu cheăng xéa ngăn pơkâ 18, mâu Pơkâ, tối mơgêi tơ-ê vâ mơhno luât pơ’lêh tŭm, teăm pêi mâu tơdroăng dêi troăng rơhlâ dêi Đảng ‘na rak ngăn ƀă xúa tơnêi; tơniăn pơtối rak vế, tơniăn dêi luât...

Tung pơla mơjiâng tơdroăng tơkêa luât, Khu xiâm xuân hbrâ rơnáu ƀă séa ngăn lối 100 luât, khu luât ai tơdjâk troh tơdroăng tơnêi tonêi vâ tối thế ‘mâi rơnêu tung luât mê lơ tối thế rơnêu mâu luât ki tơdjâk troh vâ rak tơniăn môi tuăn, tơdâng dêi luât tro tiô tơdroăng Pơkâ kơxô̆ 18 - NQ/TW. Klêi tơmâng mâu tơdroăng hnê tối tơpui tơno, pôa Vương Đình Huệ tối: Tơdroăng tơkêa Luât tơnêi ki ‘mâi hơ’lêh kô châ Kuô̆i hô̆i ăm hnê tối roh apoăng a hneăng hôp má 4, Kuô̆k hô̆i hneăng 15 ƀă kô séa ngăn tơbleăng tiô pơkâ 3 rôh hôp, mơ-eăm tung hơnăm 2023 pê klêi 'mâi rơnêu luât tơnêi.

Pôa Vương Đình Huệ, Kăn xiâm hnê ngăn Kuô̆k hô̆i pơkâ thế, Chin phuh pơtroh hlá mơ-éa tơkêa luât troh mâu kơ koan dêi Kuô̆k hô̆i hdrối hâi lơ 1/9 vâ tí tăng ‘nâi plĕng ăm hnê tối a rôh hôp Vi ƀan pơkuâ cheăng Kuô̆k hô̆i.

Gương tơplôu ƀă tơbleăng