Kơxo lơ 16/12 pôa Đỗ Văn Chiến, Kăn xiâm hnê ngăn Vi ƀan Măt trâ̆n Tơnêi têa Việt Nam rơtế ƀă khu râ kăn pêi cheăng hiăng troh lăm pôu ƀă rơkâu hâi tĭng kân Pâ Xeăng chu chiâng kuăn mơngế a Hngêi khôp kân yăo phâ̆n Phan Thiết, kong pơlê Bình Thuận. Teăng mâ khu râ kăn pơkuâ Đảng, Tơnêi têa, pôa Đỗ Văn Chiến hiăng diâp hơvĭng reăng, rơkâu Ƀok xối kân, mâu Ƀok, Jâ chĭng. Ƀok moan, Yao phu ƀă kuăn khôp tơdah môi rơnó Pâ Xeăng chu chiâng kuăn mơngế tung roh koh tơdah kân krip ki tơniăn lĕm, hơniâp ro ƀă pêng păm Graxia Pâ Xeăng.

Tung pơla kố nah, mâu tơdroăng veăng kum dêi vâi krâ-nhŏng o kuăn khôp tung tơdroăng rak vế, pêi pro lĕm tro troăng pơkâ pêi, tơdroăng pơkâ, troăng hơlâ dêi Đảng, luât dêi Tơnêi têa, mâu tơdroăng dêi kong pơlê hiăng kum mơjiâng Bình Thuận rế hía rế xông tơtêk, kro mơdrŏng. Kăn xiâm hnê ngăn Viƀan Măt trâ̆n tơnêi têa Việt Nam Đỗ Văn Chiến loi tơngah tung la ngiâ, mâu ƀok, kuăn khôp pơtối mơdêk hiâm mơno tơrŭm môi tuăn, veăng mâu tơdroăng tơ’noăng pâ nhuô̆m tơnêi têa, rêh ‘’lĕm ‘na châ, lĕm tá ‘na mơhúa’’, tơdjuôm ivá mơjiâng kong pơlê Bình Thuận rế hía rế mơnhông mơdêk.