VOV4.Xơ Đăng - Hâi lơ 18/2, Khu hnê mơhno tơdroăng tơkêa bro Tơnêi têa ‘na tơdroăng loi tĭng tiô khôp pêi cheăng ƀă Khu pơkuâ hnê ngăn cheăng Đảng Pơlê kong kân Đà Nẵng ‘na tơdroăng loi tĭng tiô khôp. Tiô tơbleăng, mâu hơnăm hiăng hluâ, mâu ƀok xối, jâ chĭng, kuăn khôp a Pơlê kong kân Đà Nẵng hiăng rơtế môi tuăn tơdroăng pêi pro troăng pơkâ pêi, troăng hơlâ mơnhông mơdêk cheăng kâ – rêh ối pơlê pơla dêi pơlê kong kân, pêi pro tro troăng ‘’Rêh ối lĕm tá châ, lĕm tá mơhúa’’.

Khu râ kăn pêi cheăng dêi Khu hnê mơhno Tơnêi têa pêi cheăng ƀă Khu pơkuâ cheăng Đảng Pơlê kong kân Đà Nẵng

Ki rơhêng vâ tối, mâu ƀok xối, jâ chĭng, kuăn khôp thăm veăng tung tơdroăng hbrâ mơdât pơreăng COVID-19; tŏng kum hrĭng rơtuh liăn ăm khu pơkuâ kơxô̆ liăn rôe vaccine hbrâ mơdât pơreăng COVID-19; tŏng kum hên tơmeăm khoăng, tơmeăm khăm pơlât ki kơnâ; troh ta#n tơmeăm kâ ăm khu ki hbrâ mơdât pơreăng, mâu ƀok xối, jâ chĭng, kuăn khôp pêi pro tơtro tơdroăng tŏng kum rêh ối pơlê pơla môi tiah: tŏng kum rơnêu hngêi, mơjiâng nếo hngêi ăm rơpŏng kơtiê; diâp rơpâu kơxuô tơmeăm tŏng kum mâu rơpŏng ai tơdroăng rêh ối pá puât; pêi pro rak tơniăn gak kring, tơniăn troăng klông.

A Sa Ly tơplôu [ă tơbleăng