Khu mố đô̆i hneăng hdrối nah mâu tơring, pơlê kong krâm a Dak Lak hiăng tơkŭm po hbru ăm 200.000 kơxop hlá mơ-éa chêh ăm vâ chê 15 rơpâu 600 ngế hok tro râ má môi ki kơtiê. Kơxô̆ hlá mơ-éa mê xua Khu Mơdró dêi Khu mâu mối đô̆i hneăng hdrối Việt Nam kum ăm ing tơdroăng “Môi rơtuh kơxop hlá mơ-eá chêh diâp ăm mâu hok tro kơtiê mâu hdroâng kuăn ngo a Tây Nguyên ƀă kong pơlê Bình Phước.

Kố cho tơmeăm ki kơnía vâ mơhno ki tơmâng khât dêi Khu mố đô̆i hneăng hdrối nah rêm râ ƀă mâu rơxông nếo, vâ pro tơ’lêi hlâu  veăng kum, pơtối kum vâi o hok tro ki kơtiê hdroâng kuăn ngo châ lăm hriâm tung hơnăm hriâm nếo.