VOV4.Xơ Đăng - Pêi pro tiô rơkong krếo thế dêi Vi ƀan Măt trâ̆n Tơnêi têa Việt Nam pơlê kong kân Hà Nội, kơ koan pơkuâ ngăn Đảng pơlê kong kân Hà Nội hiăng tơkŭm po tối tơbleăng veăng tơlo liăn kum “Xua têa kơxĭ, chuăn rơlố Việt Nam” hơnăm 2022. Ƀă hiâm mơno ƀă hnoăng cheăng xua têa kơxĭ, chuăn rơlố Tơnêi têa, rêm ngế kăn ƀô̆, kông chưk, viên chưk, mâu ngế pêi cheăng mâu kơkoan kum iâ hlái 1 hâi liăn khế.

Tâi tâng kơxô̆ liăn ki apoăng châ xo ai lối 130 rơtuh. Hdrối mê, hâi lơ 1/3, Khu pơkuâ ngăn Vi ƀan Măt trâ̆n Tơnêi têa Việt Nam pơlê kong kân Hà Nội hiăng krếo thế tơlo liăn ”Xua têa kơxĭ, chuăn rơlố Việt Nam” hơnăm 2022 pơtroh troh a mâu kơ koan, khu tơrŭm, tíu pêi cheăng, khu mơdró kâ ƀă kuăn pơlê, pơlê kong xiâm.

Tơdroăng cheăng kố cho vâ mơdêk ivá, hiâm mơno tơrŭm tâi tâng hdroâng mơngế; pơtối mơhno tối hiâm mơno, hnoăng cheăng pôu râng dêi kăn ƀô̆, lêng ƀă mâu rơxông kuăn pơlê pơlê kong xiâm ƀă têa kơxĭ, chuăn rơlố Việt Nam ƀă ai tơ’nôm liăn vâ kum mơjiâng pro mâu kế tơmeăm ki ai pơxúa, veăng kum mơdêk tơdroăng rêh ối liăn ngân, hiâm mơno dêi khu lêng ƀă kuăn pơlê  a mâu kơpong têa kơxĭ, chuăn rơlố dêi Tơnêi têa.

Katarina Nga tơplôu ƀă tơbleăng