VOV4.Xơ Đăng -  Kơxê lơ 18/2, Khu xiâm ngăn khu sinh viên Việt Nam tơdah xo kơxô̆ liăn tŏng kum ăm liăn ‘măn kơdĭng vâ kum mơnhông mơdêk sinh viên Việt Nam ƀă mâu tơdroăng tŏng kum tí tăng ‘nâi plĕng ‘na khoa hok dêi Khu. Hơnăm 2022, jâ Lê Nữ Thùy Dương, Kăn hnê ngăn Hô̆i đong quăn trĭ Kŏng ti veăng tơlo liăn ‘no mơjiâng pro ƀă Tê mơdró Golf Long Thành hiăng kĭ tơhrâ diâp ăm kơxô̆ liăn 10 rơtal kum a Liăn ‘măn kơdĭng vâ tŏng kum ƀă mơnhông mơdêk sinh viên Việt Nam vâ kum mâu vâi o sinh viên ki xơpá mơ-eăm tung mơhriâm.

Khu sinh viên Việt Nam tơdah  xo 20 rơtal  liăn ki kum ăm sinh viên

Kơxô̆ liăn mê kô châ ‘măn a liăn kơdĭng kum ƀă mơnhông mơdêk Sinh viên Việt Nam. Rêm hơnăm, Liăn ki mê kô xo iâ vâ diâp pro hnoăng liăn ăm sinh viên. Pakĭng mê, jâ Lê Nữ Thùy Dương xuân diâp ăm Khu sinh viên Việt Nam 10 rơtal liăn vâ tơkŭm mâu tơdroăng hriâm, hriăn plĕng ‘na khoa hok ƀă pơ’lêh kơxô̆ ƀă tơbleăng tơdroăng mơhnhôk “sinh viên pêi pro 5 tơdroăng ki lĕm tro” tung hơnăm 2022.

Gương tơplôu ƀă tơbleăng