VOV4.Xơ Đăng - Hâi lơ 29/8, Khu xiâm ngăn hnê hriâm ƀă hnê mơjiâng tuăn ngôa rơkê ai pơtroh hlá mơ-eá ăm Ngế xiâm pơkuâ ngăn hnê hriâm ƀă hnê mơjiâng tuăn ngôa rơkê mâu kong pơlê, pơlê kong kân ‘na tơdroăng tơbleăng mâu tơdroăng pêi pro apoăng hơnăm hriâm 2022-2023. Môi tung mâu tơdroăng cheăng ki khu xiâm ngăn hnê hriâm ƀă hnê mơjiâng tuăn ngôa rơkê pơkâ thế mâu hngêi trung mê cho pêi pro tro pơkâ ‘na rak ngăn, xo, hrê ƀă tơbleăng mâu kơxô̆ liăn xo, hrê apoăng hơnăm hriâm nếo.

Khu xiâm pơkâ thế mâu Khu xiâm ngăn hnê hriâm ƀă hnê mơjiang tuăn ngôa rơkê mâu kong pơlê Hnê mơho tơkŭm pêi kơtăng ƀă tơbleăng pêi hnoăng cheăng ki kal dêi hơnăm 2022-2023, ƀă tơdroăng pơxá hơnăm hriâm cho “Tơrŭm môi tuăn, hriăn plĕng ki nếo, ‘no ivá mơ-eăm pê klêi tơdroăng cheăng ƀă tơdroăng pơkâ pơ’lêh nếo, ‘mâi mơnhông ƀă mơdêk ki tơ-brê dêi tơdroăng hnê hriâm”.

Séa ngăn, mơhno xoăng hngêi trung, lâm hriâm, thái cô hnê, mâu ngế pêi cheăng ăm tơtro ƀă tơdroăng ki ai khât a kong pơlê ƀă ƀiên chế châ pơcháu tiô pơkâ. Mâu Khu xiâm ngăn hnê hriâm ƀă hnê mơjiâng tuăn ngôa rơkê mâu kong pơlê thế hnê mơhno ăm mâu hngêi trung tơbleăng troăng rơhlâ rak  tơniăn kring gak, tơniăn hngêi trung hriâm, ing mê, thế tơ-trŏng mâu troăng rơhlâ hbrâ ví xiá vâ xua kong prâi pro ôh tá tơniăn, pơreăng COVID-19 tâ tú ƀă mâu pơreăng ki ê.

Gương tơplôu ƀă tơbleăng