VOV4.Xơ Đăng - Kơxo lơ 19/7, klăng leh tơbâ 75 hơnăm hâi Mô đô̆i rong râ hlâ hía, Khu xiâm pơkuâ Đảng kơvâ lêng Tơnêi têa ối tung Khu xiâm pơkuâ lêng trâm mâ mâu kăn teăng mâ mơngế ai hnoăng ƀă kăch măng ƀă nhŏng o mô đô̆i hlâ tung tơplâ xâ tơnê têa dế pêi cheăng tung khu lêng. A roh trâm mâ, Đăi tươ̆ng Phan Văn Giang – Ngế xiâm pơkuâ lêng pơtroh rơkong rơkâu lĕm má môi troh mâu Jâ Nôu Việt nam khên tơnôu, mâu mô đô̆i rong râ, nhŏng o mô đô̆i hlâ tung tơplâ xâ ƀă mơngế ai hnoăng dế hriâm tâp, pêi cheăng pêt mơjiâng tơmeăm a mâu đông lêng tung tâi tâng khu lêng.

Đăi tươ̆ng mơnhên, tơdroăng Pâ mơnê hnoăng kân kĭn ƀă troăng hơlâ kum parŏng khu lêng châ mơnhên cho môi tơdroăng pêi cheăng ki kal dêi tơdroăng cheăng Đảng, tơdroăng cheăng kal kí tung Khu lêng. Troh nôkố hiăng ai lối 130 rơpâu ngế Jâ Nôu Việt Nam khên tơnôu châ ô eăng. Tâi tâng mâu Jâ Nôu Việt Nam khên tơnôu châ mâu kong pơlê ƀă đông lêng tơdah rak ngăn. 5 hơnăm hiăng hluâ, mâu đông lêng hiăng mơhnhôk kăn ƀô̆, mâu lêng ƀă mơhnhôk mâu kơxô̆ liăn Pâ mơnê hnoăng kân kĭn ƀă lối 400 rơtal liăn, mơjiâng lối 4.000 toăng hngêi tuăn pâ, păn rak 2.879 ngế Jâ Nôu Việt Nam khên tơnôu.

A Sa Ly tơplôu ƀă tơbleăng