VOV4.Xơ Đăng - Pôa Lê Minh Khái, Ngế pro xiâm phŏ hnê ngăn Chin phuh nếo pơkâ kĭ tơdroăng xúa liăn ngân troh hơnăm 2030. Pơkâ ƀă tơdroăng cheăng pêi cho pro rak tơniăn ‘na liăn ngân veăng pêi mâu pơkâ, tơdroăng cheăng pêi mơnhông cheăng kâ-rêh ối ƀă kring vế tơniăn, ‘na cheăng lêng. Mê cho, tơdroăng ‘na liăn ngân tơnêi têa pơla hơnăm 2021-2025 tâng riân ôh tá iâ luâ 16% GDP ƀă pơla hơnăm 2026- 2030 dâng 16- 17% GDP.

Kơxô̆ liăn tung tơnêi têa tâi tâng xo ăm hngêi rak liăn ngân tơnêi têa troh hơnăm 2025 dâng 85- 86%, troh hơnăm 2030 dâng 86% - 87%. Rak ngăn liăn ngân tơnêi têa tơ-brê; pơtối ‘no liăn ngân tơnêi têa tiô troăng rơhlâ krá tơniăn; pêi ahdrối ‘no liăn mơnhông mơdêk ƀă tơniăn ‘na liăn pêi lo tơvêh che\n, mơdêk liăn ngân tơnêi têa ăm ‘măn kơdrĭng tơnêi têa, tâk ‘no liăn mơnhông mơdêk kuăn mơngế ƀă tơniăn rêh ối pơlê pơla.

Hơnăm 2021-2030,  kum xoăng liăn ngân tơnêi têa vâ mơdêk ‘măn kơdĭng tơnêi têa, tơtro ƀă ivá liăn ngân tơnêi têa vâ hbrâ rĕng, tơ-brê tung mâu tơdroăng ki kal tơdrêng, ƀă pê klêi tơdroăng cheăng châ Chin phuh, Ngế pro xiâm hnê ngăn tơnêi têa pơcháu.

Gương tơplôu ƀă tơbleăng