VOV4.Xơ Đăng - Khu xiâm ngăn cheăng pêi, Mô đô̆i rong  ƀă rêh ối pơlê pơla ai Hlá mơ-éa chêh pơtroh ăm Ngế pro xiâm hnê ngăn Chin phuh ‘na tơdroăng pơtroh ăm Kăn xiâm hnê ngăn tơnêi têa rôe tơmeăm hbru ăm mâu ngế ai hnoăng ƀă kăch măng drêng troh leh tơbâ 75 hơnăm hâi mâu lêng rong râ- hlâ hía lơ 27/7. Ing mê, kơ koan kố tối thế ‘măn kơdĭng 400 rơtal liăn vâ rôe tơmeăm hbru ăm mâu Jâ nôu Việt Nam Khên tơnôu, nôu pâ lơ nhŏng o xiâm mơngế ki hlâ ai hnoăng, mâu lêng rong râ ki ai hnoăng.

Kơxo lơ 15/6, a Hà Nội, Khu ki kơjo kum rơpŏng ai ngế hlâ ai hnoăng tơnêi têa dêi Việt Nam tơkŭm po leh mơhnhôk pêi pro tơdroăng nhắn tin “pâ troh mâu ai hnoăng hơnăm 2022’’. Ƀă tơdroăng TALS pơtroh ăm 1400, rêm tin nhăn châ pơtroh kô kum ăm 20 rơpâu liăn ăm mâu ngế ki hlâ ai hnoăng tơnêi têa hơnăm 2022. Hâi khế pơtroh tin nhăn mê sap lơ 15/6 troh tâi lơ 13/8/2022. Tơdroăng pêi pro mê vâ mơhno hiâm mơno nhoăm pâ, mơnê kơ mâu ki hlâ ai hnoăng ‘’ai hâi kố kơnôm ai vâi ki ai hnoăng nah”, “Mơnê mâu ai hnoăng” ƀă cho tơdroăng pêi pro ki lěm dêi hdroâng mơngế pin. Kố xuân cho tơdroăng veăng ki khât kơ ƀă mâu rơpŏng ki ai ngế hlâ ai hnoăng tơnêi têa.

Gương tơplôu ƀă tơbleăng