VOV4.Xơ Đăng - Kơxo lơ 19/7, Vi ƀan kong pơlê Kon Tum tơkŭm po hneăng hôp khĕn kơdeăn mâu ngế kơhnâ rơkê ƀă cheăm, bêng pêi tro mâu tơdroăng cheăng ‘na kum mâu lêng hơnăm hriăng krâ - mâu lêng rong râ - hlâ hía ki ai hnoăng tơnêi têa. Veăng hôp ai 101 ngế ai hnoăng ƀă mâu kăn dêi mâu cheăm, bêng pêi tro tơdroăng cheăng ‘na mâu lêng rong râ hlá hía.

Kon Tum pêi tro tơdroăng cheăng ‘na mâu lêng hơnăm hiăng krâ - mâu lêng rong râ hlâ hía ki ai hnoăng tơnêi têa

Lâp tung kong pơlê Kon Tum ai lối 50 rơpâu 600 ngế hiăng ƀă dế xúa mâu liăn tŏng kum, troh nôkố ối lối 5 rơpâu 100 ngế dế xúa liăn tŏng kum rêm khế. 5 hơnăm hdrối tơdroăng pêi pro mâu luât pơkâ tŏng kum mâu ngế ai hnoăng châ rêm râ, kơvâ cheăng tung kong pơlê tơbleăng pêi ƀă châ tơ-brê pêi pro tơdroăng kum mâu ai hnoăng, nhŏng o xiâm mâu ngế ai hnoăng tơnêi têa, mơngế ai hnoăng kăch măng. Kong pơlê hiăng ‘măn lối 51 rơtal liăn ‘no cheăng, mâi rơnêu pro rơdâ 21 tơmeăm khoăng ăm mâu ngế hlâ ai hnoăng tơnêi têa.

Gương tơplôu ƀă tơbleăng