VOV4.Xơ Đăng - Kơxo lơ 14/3, a Ilâng kiâ mô đô̆i tơring Ngọc Hồi, kong pơlê Kon Tum, Khu pơkuâ cheăng Đảng tơring, Hô̆i đong kuăn pơlê, Vi ƀan kuăn pơlê, Vi ƀan Măt trâ̆n tơnêi têa Việt Nam tơring Ngọc Hồi tơkŭm po leh lăm pôu ngăn, tơbâ hnoăng ƀă ‘mế 5 kơxêng kiâ mô đô̆i châ tơkŭm po kân krip, nhuôm pâ mơhno tơdroăng pâ mơnê trâu hơngế dêi mâu râ kuăn pơlê ƀă mâu ngoh khên tơnôu mô đô̆i hlâ tung tơplâ xâ hiăng hlâ xua tơniăn hdroâng mơngế ƀă gâk kring Tơnêi têa Việt Nam xah hô̆i chuh ngiah.

‘Mế kơ-xêng kiâ mô đô̆i

Mâu kơxêng kiâ mô đô̆i châ Khu ti tăng tơnâp kiâ mô đô̆i, Kuân đoân 3 tăng hlo a mơ’nui khế 2 pơla kố nah ối tung cheăm Ya Xiêr, tơring Sa Thầy ƀă pơcháu ăm khu râ kăn pơkuâ tơring. Tiô mơnhên apoăng Khu ti tăng tơnâp kiâ mô đô̆i, Kuân đoân 3, 5 mô đô̆i hlâ tung tơplâ xâ châ tăng hlo mơni ối tung Trung đoân 209, Trung đoân 66 ƀă mâu tíu cheăng thăm veăng tơplâ xâ ƀă hlâ a Măt trâ̆n Tây Nguyên a khế 3/1986.

A Sa Ly tơplôu ƀă tơbleăng