VOV4.Xơ Đăng - Kơxê lơ 10/1, Kŏng an kong pơlê Gia Lai tơkŭm po leh khĕn kơdeăn 35 ngế ki vâi nhŏăm pêi cheăng kơhnâ rơkê tung tơdroăng tâi tâng kuăn pơlê kring vế tơnêi têa hơnăm 2020-2021. Tung pơla hdrối nah, Kŏng an kong pơlê Gia Lai hiăng châ kum ăm mâu ngế ki kuăn pơlê pâ nhoăm tung hdrôang kuăn ngo. Mê cho hiăng ai 3 rơpâu ngế kuăn pơlê pâ nhoăm pêi pro tro tơdroăng hnê tối, mơhnhôk kuăn pơlê, tối ăm ‘nâi  lối 350  tơdroăng ki tơbleăng.

35 ngế ki kuăn pơlê nhoăm hiăng châ xo ƀâng kơdeăn khĕn

Ing mê, mâu ngế ki kuăn pơlê nhoăm tung hdroâng kuăn ngo a Gia Lai hiăng rơtế ƀă mâu kŏng an, mâu kăn pơlê cheăm tơring veăng hnê tối, mơhnhôk kuăn pơlê rak vế pêi pro tro troăng rơhlâ dêi Đảng, luât pơkâ Tơnêi têa mơhnhôk kuăn pơlê ối a kơpong tơkăng kong kring vế tíu tơkăng kong, tơneăn tâp hdró, pôi tá kơtâu kĕn kong têa vâi hmâng vâ; hnê kuăn pơlê rak vế  khôi túa vêa vong ki lĕm tro ton nah, rak tro pơkâ ‘na loi tĭng tiô khôp. 

Gương tơplôu ƀă tơbleăng